💛【高質慢煮火炙牛腹扒丼+牛油果五文魚丼！】外賣返屋企 高質之選！
-
駱駝漆大廈出名多小店值得一撐，好似呢間日式料理小店，lunch hour同晚市都多人，嚟緊星期四後禁堂食，放工後嚟呢度外賣返屋企慢慢嘆都係一個好選擇！小店主打慢煮，選擇都幾多，五款丼飯好似慢煮牛肉、豚肉、雞肉三文魚等，仲有冷熱蕎麥麵、凍烏冬和同小食任君選擇！
-
《 慢煮火炙牛腹扒丼 $𝟴𝟴 》，一百蚊有找仲食到慢煮牛，仲要送埋麵豉湯，值得一試！丼飯面鋪咗大量一片片經過慢煮再火炙嘅牛腹扒真係好吸引～牛肉肉質尚算鬆化，上面有烤蒜蓉、黑芝麻碎、日式烤肉醬汁，再撈埋溫泉蛋一齊食，呢個價錢，收貨有餘！
-
《慢煮三文魚配牛油果丼 $𝟴𝟮》炙燒三文魚+牛油果+火龍果粒+蕃茄粒+蟹籽+青瓜絲，再加上溫泉蛋，三文魚肉質夠嫩滑，充滿魚油香，成個飯加埋醬汁，口感夠豐富！如果堂食嘅話，仲可以任加飯同加汁，下次潮友嚟食飯覺得個飯太dry嘅話，可叫店員加汁㗎！
-
慢煮屋
地址：觀塘開源道60號駱駝漆大廈3期11樓G室
星期一至六：11:30-17:00；18:00-22:00
星期日：12:00-17:00；18:00-22:00
#PND觀塘 #PND日式 #PND外賣
Search